ഓരോ വീടിന്റെയും ഐശ്വര്യമാണ് അവിടുത്തെ കുട്ടികൾ. അവരുടെ കളിയും ചിരിയും വളർച്ചയും എല്ലാം എപ്പോഴും അച്ഛനമ്മമാർക്ക് ആനന്ദം നൽകുന്നവയാണ്. കുട്ടികളുടെ ശാരീരികവും മാനസികവുമായി ഉണ്ടാകുന്ന വളർച്ചയെയും വികാസത്തെയും ചേർത്ത് പറയുന്നതാണ് ശിശുവികാസം അഥവാ ചൈൽഡ് ഡെവലപ്മെൻറ്റ്. പ്രായാനുസൃതമായി കുട്ടികളിൽ ഉണ്ടാകുന്ന/ഉണ്ടാകേണ്ട മാറ്റങ്ങളെയും അവർ ചെയ്യേണ്ട പ്രവർത്തികളെയുമാണ് നമ്മൾ വളർച്ചയുടെ നാഴികക്കല്ലുകൾ എന്ന് വിശേഷിപ്പിക്കുന്നത്.ഇതിൽ ഏതെങ്കിലും തരത്തിൽ മാറ്റങ്ങൾ ഉണ്ടായാൽ അത് കുട്ടിയുടെ വളർച്ചയേയും വികാസത്തെയും ബാധിച്ചേക്കാം .ശരിയായ രീതിയിലുള്ള പരിശീലനം മാതാപിതാക്കൾക്കും കുട്ടിയ്ക്കും ലഭിച്ചാൽ ഒരു പരിധി വരെ നമുക്ക് കുട്ടികളെ മുഖ്യ ധാരയിലേക്ക് കൊണ്ട് വരാൻ സാധിക്കും.